Ajnabi Dost

Ajnabi Dost

(The image is a digital art done by me. It is a symbol of friendship)

Rail gadi rail gadi chhuk chhuk chhuk chhuk chhuk chhuk

Beech bale station bole rukh rukh rukh rukh rukh rukh

Tadak bhadak lohe ki sadak ; Wahaan se yahaan yahaan se wahaan

Mangalore Bangalore bangalore mangalore

Chhooo chhooo chhooo chhooo chhooo chhooo chhooo

Ashok kumar ki yeh gaana yaad aagayi, jab wo Train ki humsafar ki yaad ayi, woh ek dost ki yaad ayi. Banglaore hi ja rahi thi men. Ek conference tha IISc Bangalore men. Bese dekha jaye hum PhD logon ka kaam hi wahi hai, apne kaam ka exhibition karte rahena. Exhibition ki tarah value lagaya nehi jata, par han ache kaam ka sanman kiya zaroor jata hai.  Toh wo conference ke liye jana tha. Yeh baat pehele ghar men boli thi. Har baar ki tarah ish baar bhi mummy ka pehela question –“beta tum akele kaise jaoge? Muhje toh neend nahi ayegi. Koi tumhare sath ja rahe hain department se”. Aur mera har baar ki tarah ek hi answer-“ nahi mama men akele ja rahi hoon. Kuch problem nehi hoga. Men chali jaungi. Pehele bhi toh gayi hoon” . kabhi kabhi sochti hoon yeh mummy log itna darte kyun hai, abhi toh hum bade ho gaye hain. Par maa toh maa hi hain. Sayad khud maa baneke baad hi ish raaz ka pata hame chelega ke kyun bo itna pyar karte hain bacho se. Kher kuch din ke baad, registrations fees bhar diya aur ticket karna baki tha, mummy ne bola ki wo muhje akele jane nehi degi aur mere sath jayegi. Mene unka bhi tickets karwa diya. Kuch din men hum log nikal pade Bangalore. Akele jati toh koi paresani nehi hoti, but abhi mummy meri responsibility lag rahi thi. Hum log baaten karte huye, gaana sunte huye ja rahe the. Agal bagal men bhi ache co passenger the. Mummy ki achi dosti ho gayi thi. Wo baat kar rahe the. Men apni kitawob men khoyi huyi thi. Sayad koi story book padh rahi thi. Muhje books padha bahot achha lagta hai. Mazak men bhai behen shaadi men books gift denge chidate rehete hain.bhai behen ka fundamental right hai bol sakte hain apas men tang chichai karna. Men apni duniya men khoyi huyi thi aur mummy apni. Beech beeech men aur mummy baat karte the, bahar ke nazare dekh rahe the, chatpati snacks ka maza le rahe the, achanak ek jann ake puchne lage men IISc ja rahi hoon ya nehi. Mene han boli. Fir baat karna suru kar diye. Han jaise koi stranger ke sath baat karte hain, bese formality maintain karke baat chal raha tha. English men suru hogaya tha apne apne Phd life ki kahani doono ki jubani. Wo bhi conference men ja rahe the. Mummy odiya language men puchi ke men ishe janti hoon ya nehi. Wo sochi ki wo mere classmate hain. Mummy ko samjayi ki wo XIMB men Phd kar rahe hain. Pehele sochi ki wo oriya hain par wo Allabad ke rehene bale the. Baat wahot samay tak chal raha tha.Par men jada baat nehi kar rahi thi. Muhje thoda logon pe jaldi bharosa nehi ata. Dheere dheere waqt guzar gaya. Bangalore station karreb aaraha tha, wo ake puche milke conference venue men jane ko. Mene han kar di. Mummy boli tum jante nehi ho, firbhi kaise han kardi. Mene mummy ko samjhai koi baat nehi, wo bhi ek participant hain. Hum logon pahanch gaye, Venue men. Wo bahot help kiye, venue men pahochne men. Next day conference tha. Mera tabiyat thi nehi lag raha tha, par men padhai karna start kiya, but mummy bore ho jayegi sochke baat ki. Wo ghar ko miss kar rahi thi. Next day conference men gaye. Sab thik thak chal raha tha. Wo train ke stranger abhi thoda dost ban gaye the. Sham ke time pata chala unko best paper ki award mila hai. Mummy khush ho gayi ke jiske sath hum milke aye jisko jante the un ko prize mil raha hai. Sab mummy papa ko wahi pasand hai, jo achha padte hain. Mummy ki mun se ush ajnabi dost ki padhai ki tareef sunke muhje bhi mann huya ki men prize leti toh mummy badi khush hoti. Sham hogaya, dinner ke time fir mile ush ajnabi dost se. Baat chit ke silse chalti rahi. Mere chehere pe smile tha as usual, but andar se kuch achha nehi lag raha tha.Syad fever ho gaya tha. Tez bukhar hai, agar yeh bolungi toh mummy ko tension ho jayega. Yeh sochke kuch nehi boli. Fir pabas guest house chale gaye. Chalne ki takat bhi nehi tha. Mera chehera dekhke mummy ko pata chal gaya ki mera tabiyat thik nehi hai. Tension men agayi. Men so gayi raat ko, lekin sayad mummy so nehi payi raat bhar, subhe mummy ush ajnabi dost ko phone ki and wo log kuch arrange kiye doctor jene ke liye. Subhe jab jagi toh dekha wo dost samne khae hoke bol rahe hain “bukhar ke sath dosti maat kijiye” mazak ke mood men the sayad. Bada help kiye the. Abhi wo ajnabi dost sirf dost ban gaye the. Jo mummy har time kahin jane se pehele muhje bolti thi, kisi ajnabi se baat maat karna, wo khud ish train ki humsaf ki tareef karne lagi thi. Sach hi toh hai, aaj kal apno se umeed nehi ka sakte, wo toh anjabi hoke bhi bahot sath diye musibaat ke time.

Jaise Samander men leher ate jate hain

Zindegi men bahot sare logon ate jate hain

Kuch ajnabi banke rehe jate hain

Kuch humsafar dost ke naam se rehe jate hain